Sat. Mar 6th, 2021
             

પોતાના ગ્રાહકો માટે સસ્તો ડેટા અને કોલિંગ પેક્સ પ્રોવાઈડ કરનારી કંપની Jio નવા વર્ષ નિમિત્તે તેના યુઝર્સ માટે ભેટ લઈને આવી છે. 1 જાન્યુઆરીથી, કંપની તેના તમામ ગ્રાહકો માટે ડોમેસ્ટિક કોલ્સ મફત કરવા જઈ રહી છે. જિઓ ગ્રાહકો કોઈપણ ચાર્જ આપ્યા વિના ગમે ત્યાં અને કોઈપણ નેટવર્ક પર મફત કોલ કરી શકે છે.

જિઓની ફ્રી કોલિંગ સુવિધા સાથે, ડોમેસ્ટિક કોલ્સ માટેની IUC પણ સમાપ્ત થઈ જશે. તમને જણાવી દઈએ કે ઇન્ટરકનેક્ટ યુઝેજ ચાર્જ (IUC) એક ચાર્જ હોય છે જે કોઈ ટેલિકોમ ઓપરેટર બીજી ટેલિકોમ કંપનીને આપે છે જ્યારે કોઈ ગ્રાહક તેના ઓપરેટરથી બીજા ઓપરેટરના ગ્રાહકને ફોન કરે છે. બે જુદા જુદા નેટવર્ક વચ્ચેના કોલ્સને મોબાઇલ ઓફ-નેટ કોલ્સ તરીકે પણ ઓળખવામાં આવે છે.

ટેલિકોમ રેગ્યુલેટરી ઓથોરિટી ઓફ ઈન્ડિયા (TRAI) દ્વારા ડોમેસ્ટિક કોલ્સ પર IUC ચાર્જ નાબૂદ કર્યા પછી જિઓએ આ નિર્ણય લીધો છે. જણાવી દઈએ કે સપ્ટેમ્બર 2019 માં ટ્રાઇએ આ બિલના અમલ માટે અંતિમ તારીખ લંબાવી હતી, ત્યારબાદ જિઓએ તેના યુઝર્સ પાસેથી પૈસા લેવાનું શરૂ કર્યું. આ સાથે કંપનીએ એમ પણ કહ્યું હતું કે ટ્રાઇ વતી આ નિયમ નાબૂદ કર્યા પછી તે આ ચાર્જ હટાવશે.

Leave a Reply

Your email address will not be published. Required fields are marked *