Sat. Mar 6th, 2021
             

ભારતમાં કોરોનાની વેક્સિન કોવિશીલ્ડ બનાવતી સીરમ ઈન્સ્ટિટ્યૂટમાં આગ લાગી છે. આ આગ પુણેની SSIની ઈમારતમાં ટર્મિનલ ગેટ-1 પાસે લાગી છે. આગ લાગવાનું કારણ હજી સામે આવ્યું નથી. અહીં વેક્સિનના કરોડો ડોઝ તૈયાર કરીને રાખવામાં આવ્યા છે.

પુણેના મંજરીમાં આવેલી સીરમ ઈન્સ્ટિટ્યૂટ ઓફ ઇન્ડિયાના નવા પ્લાન્ટમાં આગ લાગી છે. 300 કરોડના ખર્ચે બનેલા આ પ્લાન્ટમાં કોરોના વેક્સિન કોવિશીલ્ડનું મોટે પાયે ઉત્પાદન કરવામાં આવે છે. ગયા વર્ષે જ કેન્દ્રીય સ્વાસ્થ્યમંત્રી ડોક્ટર હર્ષવર્ધને આ પ્લાન્ટનું ઉદઘાટન કર્યું હતું, જોકે હજી આ પ્લાન્ટમાં વેક્સિનનું ઉત્પાદન શરૂ કરવામાં આવ્યું નહોતું.

ઘટનાસ્થળ પર 7થી 8 ગાડીઓ હાજર છે અને તે આગ ઓલવવાનો પ્રયત્ન કરી રહી છે. હજી સુધી આગ પર કાબૂ મેળવી શકાયો નથી. આગ લાગવાનું કારણ અને ટર્મિનલમાં કેટલા લોકો ફસાયેલા છે એ વિશેની માહિતી પણ હજી સામે આવી શકી નથી. પાંચ ફ્લોરના આ પ્લાન્ટમાં કોવિશીલ્ડનું પ્રોડક્શન ટૂંક સમયમાં જ શરૂ થવાનું હતું.

Leave a Reply

Your email address will not be published. Required fields are marked *