મુખ્યમંત્રી ભૂપેન્દ્ર પટેલે શહેરી વિસ્તારોના વિકાસને વેગવંતો બનાવવા અમદાવાદમાં ટાઉન પ્લાનીંગ સ્કીમને મંજૂરી આપી છે. અમદાવાદમાં ૧ ફાયનલ ટી.પી-૧ ડ્રાફટ અને ર પ્રિલીમીનરી ટી.પી ને મંજૂરી આપવામાં આવી છે. ડ્રાફ્ટ ટી.પી મંજૂરીથી સંબંધિત વિસ્તારોમાં રસ્તાઓનું ઝડપી અમલીકરણ થવા સાથે આંતરમાળખાકીય સવલતો મળતાં નાગરિક સુવિધામાં વધારો થશે. જેમાં અમદાવાદમાં ૩,૭૮૩ જેટલા EWS આવાસો બનશે.

કોતરપૂરમાં ૭૮૩ જેટલા EWS આવાસો

મુખ્યમંત્રી ભૂપેન્દ્ર પટેલે અમદાવાદ મહાનગરની જે બે પ્રિલીમીનરી ટી.પી સ્કીમને મંજૂરી આપી છે તેમાં ટી.પી ૬૯-કોતરપૂર અને ટી.પી ૩પ જગતપૂરનો સમાવેશ થાય છે. આ બે પ્રિલીમીનરી ટી.પી. સ્કીમ મળીને કુલ ર૭.૦૪ હેક્ટર્સ જમીન સંપ્રાપ્ત થશે. પ્રિલીમીનરી ટી.પી. ૬૯ કોતરપૂરમાં ૭૮૩ જેટલા EWS આવાસો માટે ૦.૮૭ હેક્ટર્સ, બાગ-બગીચા તથા રમત-ગમતના મેદાન, ખૂલ્લી જગ્યા માટે ૧.૮૬ હેક્ટર્સ, જાહેર સુવિધા માટે ૧.૭૩ હેક્ટર્સ અને વેચાણ હેતુસર ૪.૪૩ હેક્ટર્સ જમીન મળશે.

 ગતપૂરમાં ૩.૩પ હેક્ટર્સ જમીન ૩૦૦૦ EWS આવાસો

આ ઉપરાંત પ્રિલીમીનરી ટી.પી-૩પ જગતપૂરમાં ૩.૩પ હેક્ટર્સ જમીન ૩૦૦૦ EWS આવાસોના નિર્માણ માટે, ૩.૮૧ હેક્ટર્સ જમીન બાગ-બગીચા તથા રમત-ગમતના મેદાન અને ખૂલ્લી જગ્યા માટે, જાહેર સુવિધા માટે ર.પ૯ હેક્ટર્સ અને વેચાણના હેતુ માટે ૮.૩પ હેક્ટર્સ જમીન ઉપલબ્ધ થશે.

By Shubham Agrawal

www.jantanews360.com એ ઓનલાઈન સમાચાર પૂરું પાડતું ઓનલાઈન પ્લેટફોર્મ છે. આ વેબસાઈટના માધ્યમથી ગુજરાતી ભાષામાં વિવિધ સમાચારો, લેખો, મનોરંજન, સ્ટોરી, બિઝનેસ, લાઈફ સ્ટાઈલ, ધાર્મિક, રમતગમતને લગતા વિવિધ અને સચોટ માહિતી પ્રસિદ્ધ કરવામાં આવે છે.

Leave a Reply

Your email address will not be published.

You cannot copy content of this page