શાહરૂખ ખાનના પુત્ર આર્યન ખાનને ક્રૂઝ નાર્કોટિક્સ કેસમાં જામીન મળ્યાને અને ક્લીનચીટ મળ્યાને ઘણા મહિના થઈ ગયા છે. તેમજ ઓક્ટોબર 2021માં મુંબઈમાં ક્રુઝ શિપ પર દરોડા પછી કેસમાં દાખલ કરવામાં આવેલી ચાર્જશીટમાં નાર્કોટિક્સ કંટ્રોલ બ્યુરો દ્વારા આર્યન ખાનનું નામ આપવામાં આવ્યું ન હતું.

આપને જણાવી દઈએ કે, હવે આ કેસમાં ક્લીનચીટ મળ્યા બાદ આર્યન ખાને કોર્ટમાં પોતાનો પાસપોર્ટ પરત કરવાની માંગ કરી છે. આર્યન ખાને પોતાનો પાસપોર્ટ પાછો મેળવવા માટે સ્પેશિયલ કોર્ટમાં અરજી કરી હતી. આ અરજી તેમના વકીલો અમિત દેસાઈ અને દેસાઈ દેસાઈ કરીમજી અને મુલ્લાના રાહુલ અગ્રવાલ દ્વારા ગુરુવાર, 30 જૂને દાખલ કરવામાં આવી હતી.

અરજીમાં આર્યન ખાને ઉલ્લેખ કર્યો છે કે તેની પાસે NCBની ચાર્જશીટ નથી અને તેથી તેનો પાસપોર્ટ પરત કરવામાં આવે. આ મામલાની નોંધ લેતા કોર્ટે NCBને જવાબ દાખલ કરવાનો નિર્દેશ આપ્યો છે. કોર્ટે આ મામલે સુનાવણી માટે 13 જુલાઈની તારીખ પણ નક્કી કરી છે. મળતી વિગત અનુસાર આર્યન ખાનને કોર્ટે શરતી જામીન આપ્યા હતા.

જે મુજબ તેને મુંબઈ કે દેશની બહાર જવાની પરવાનગી આપવામાં આવી ન હતી. આ કારણે તેણે પોતાનો પાસપોર્ટ કોર્ટમાં જમા કરાવવો પડ્યો. તેણે શરૂઆતના કેટલાક મહિનાઓ માટે તેની સાપ્તાહિક હાજરી માટે NCB ઓફિસમાં પણ હાજરી આપવી પડી હતી.

ઉલ્લેખનીય છે કે, આર્યન ખાને મુંબઈની આર્થર રોડ જેલમાં ત્રણ અઠવાડિયાથી વધુ સમય વિતાવ્યો હતો, જ્યાં તેના પિતા શાહરૂખ ખાને પણ તેની મુલાકાત લીધી હતી.

By Jantanews360 Team

www.jantanews360.com એ ઓનલાઈન સમાચાર પૂરું પાડતું ઓનલાઈન પ્લેટફોર્મ છે. આ વેબસાઈટના માધ્યમથી ગુજરાતી ભાષામાં વિવિધ સમાચારો, લેખો, મનોરંજન, સ્ટોરી, બિઝનેસ, લાઈફ સ્ટાઈલ, ધાર્મિક, રમતગમતને લગતા વિવિધ અને સચોટ માહિતી પ્રસિદ્ધ કરવામાં આવે છે.

Leave a Reply

Your email address will not be published.

You cannot copy content of this page