કોરોના મહામારીની બીજી તરંગને કારણે રાજ્યમાં લગભગ તમામ પરીક્ષાઓ રદ્દ કરી દેવામાં આવી હતી. ધો.10 અને ધો.12 ની બોર્ડની પરીક્ષાઓ રદ્દ કરી દેવામાં આવી હતી. જોકે બાદમાં સરકાર દ્વારા જાહેરાત કરવામાં આવી હતી કે બોર્ડના રિપીટર વિદ્યાર્થીઓ માટે પરીક્ષાઓ યોગ્ય સમયે લેવામાં આવશે. જોકે, કોંગ્રેસના નેતા પરેશ ધાનાણીએ સરકારની આ જાહેરાતનો વિરોધ કર્યો હતો.
પરેશ ધાનાણીએ શિક્ષણ પ્રધાનને પત્ર લખીને રીપીટર વિદ્યાર્થીઓની પરીક્ષા પણ રદ કરવા માંગ કરી હતી. જો કે, હવે પરિસ્થિતિ બદલાઈ ગઈ છે અને કોરોના રોગચાળાની બીજી લહેર નબળી પડી છે. ત્યારે શિક્ષણમંત્રીએ ધાનાણીના પત્રનો જવાબ આપ્યો છે.
શિક્ષણ પ્રધાને ધોરણ 10 અને 12 રીપીટર પરીક્ષાઓ રદ કરવા અંગે વિપક્ષી નેતા પરેશ ધાનાણીના પત્ર પર પ્રતિક્રિયા આપી હતી. ભૂપેન્દ્રસિંહ ચુડાસમાએ જણાવ્યું હતું કે રીપીટર પરીક્ષા લેવામાં આવશે. પરીક્ષા રદ થાય તેવા વહેમમાં કોઇના રહે. 15 જુલાઇથી યોજાનારી પરીક્ષાની પણ તૈયારીઓ કરવામાં આવી છે.
બોર્ડ દ્વારા જારી કરાયેલ પરિપત્ર
મહત્વપૂર્ણ છે કે ગત 16 જૂનના રોજ ગુજરાત માધ્યમિક અને ઉચ્ચતર માધ્યમિક શિક્ષણ બોર્ડે ધોરણ-10 અને 12ના રિપિટરોની પરીક્ષાને લઇને મોટો નિર્ણય લીધો હતો. બોર્ડ દ્વારા ગુજ. બોર્ડનાં ધો.10-12નાં રિપિટરોની પરીક્ષા લેવાનો નિર્ણય લેવામાં આવ્યો હતો. એટલે કે ધો.10-12નાં ગુજ.બોર્ડનાં રિપિટરોને માસ પ્રમોશન નહીં મળે. ધોરણ 10 અને 12ના વિજ્ઞાન તથા સામાન્ય પ્રવાહના રિપિટરની પરીક્ષા આગામી 15મી જુલાઇથી લેવાશે. આ અંગે ગુજરાત બોર્ડ દ્વારા પરિપત્ર જાહેર કરવામાં આવ્યો હતો.
ધોરણ 10 અને 12ના રેગ્યુલર વિદ્યાર્થીઓને માસ પ્રમોશન
કોરોના રોગચાળાની પ્રવર્તતી પરિસ્થિતિને ધ્યાનમાં લેતા, આ વર્ષે ધોરણ -10 અને ધોરણ -12 ના નિયમિત વિદ્યાર્થીઓને પૂરતા પ્રમાણમાં માસ પ્રમોશન આપવાનો નિર્ણય લેવામાં આવ્યો હતો. જો કે ધોરણ 10-12ના રિપીટર વિદ્યાર્થીઓ અંગે કોઈ નિર્ણય લેવામાં આવ્યો ન હતો. દરમિયાન આજે ધોરણ 10 અને 12 રીપીટર પરીક્ષાની તારીખ આજે જાહેર કરવામાં આવી છે, જે મુજબ વિદ્યાર્થીઓની પરીક્ષા 15 જુલાઇથી લેવામાં આવશે.બીજી તરફ, સરકારે પત્રકાર વિદ્યાર્થીની પરીક્ષાની સાથે ગુજકેટની પરીક્ષા લેવાની પણ જાહેરાત કરી છે. .
