બિહારના હાજીપુરમાં HDFC બેંકમાં 1.19 કરોડની લૂંટ કરી હથિયાર લહેરાવતા ફરાર થયા લુટારાઓ

0 minutes, 0 seconds Read

બિહારમાં વૈશાલી જિલ્લાના હાજીપુર ખાતે આવેલી એચડીએફસી બેંકની બ્રાંચમાંથી 1.19 કરોડ રૂપિયાની લૂંટ થઈ છે. જાણવા મળ્યા મુજબ બાઈક પર સવાર 5 બદમાશોએ આ લૂંટને અંજામ આપ્યો હતો અને લૂંટ બાદ તેઓ હથિયાર લહેરાવતા ફરાર થઈ ગયા હતા. આ અંગે જાણ થયા બાદ શહેરમાં ભારે હડકંપ મચી ગયો હતો અને પોલીસે નાકાબંધી કરીને આરોપીઓની તપાસ શરૂ કરી દીધી હતી.

આવી રીતે થઈ લૂંટ

જાણવા મળ્યા મુજબ બેંક ખુલી તેના થોડા સમય બાદ બદમાશો બ્રાંચમાં ઘૂસી ગયા હતા અને તેમણે હથિયારો બતાવીને તમામ કર્મચારીઓને બંધક બનાવી લીધા હતા. તપાસમાં કુલ 5 બદમાશોએ લૂંટ કરી હોવાનું સામે આવ્યું છે અને તેઓ ફરાર થઈ ગયા ત્યાર બાદ પોલીસને આ અંગે જાણ કરવામાં આવી હતી.

બેંકનો ગેટ બંધ કર્યો

આ સનસનીખેજ લૂંટ બાદ બેંકની બ્રાંચના મુખ્ય દરવાજાને બંધ કરી દેવામાં આવ્યો છે. સાથે જ મીડિયાની એન્ટ્રી પણ પ્રતિબંધિત કરી દેવાઈ છે. પોલીસના કહેવા પ્રમાણે લૂંટ બાદ શહેરમાં નાકાબંધી કરી દેવામાં આવી હતી અને આરોપીઓને શોધવામાં આવી રહ્યા છે.

સીસીટીવી ફુટેજની તપાસ

પોલીસના કહેવા પ્રમાણે સીસીટીવી ફુટેજ દ્વારા આરોપીઓના દેખાવની માહિતી મળી છે અને તેના આધારે તપાસ શરૂ કરી દેવામાં આવી છે. પોલીસે ખૂબ ઝડપથી આરોપીઓ સુધી પહોંચી શકાશે તેવો વિશ્વાસ વ્યક્ત કર્યો હતો.

author

Shubham Agrawal

www.jantanews360.com એ ઓનલાઈન સમાચાર પૂરું પાડતું ઓનલાઈન પ્લેટફોર્મ છે. આ વેબસાઈટના માધ્યમથી ગુજરાતી ભાષામાં વિવિધ સમાચારો, લેખો, મનોરંજન, સ્ટોરી, બિઝનેસ, લાઈફ સ્ટાઈલ, ધાર્મિક, રમતગમતને લગતા વિવિધ અને સચોટ માહિતી પ્રસિદ્ધ કરવામાં આવે છે.

Similar Posts

Leave a Reply

Your email address will not be published. Required fields are marked *

You cannot copy content of this page

Verified by MonsterInsights