દેશમાં હાલ કોરોના વાયરસની બીજી તરંગનો ખતરો ઓછો થયો નથી અને ત્રીજી તરંગનું જોખમ પણ વધી રહ્યું છે. પરંતુ મેદાની વિસ્તારોમાં ભારે ગરમીથી ત્રસ્ત લોકો મોટી સંખ્યામાં હિમાચલ પ્રદેશ પહોંચી રહ્યા છે.
જેમ જેમ કોરોના કેસ ઘટતા જાય છે તેમ રાજ્ય સરકારોએ છૂટ આપવાનું શરૂ કરી દીધું છે. તેનો લાભ લઈને લોકોએ ગરમીથી રાહત મેળવવા હિમાચલ પ્રદેશ તરફ વળ્યા છે. પર્વતીય રાજ્યના મોટી સંખ્યામાં લોકો સિમલા, કુફરી, નારકંડા, ડેલહાઉસી, મનાલી, લાહૌલ અને અન્ય પર્યટન સ્થળો તરફ જઈ રહ્યા છે.
પ્રવાસન વિભાગના નિયામક અમિત કશ્યપે જણાવ્યું હતું કે જૂનમાં કોરોના પ્રતિબંધ હળવા કરવામાં આવ્યા હોવાથી અત્યાર સુધીમાં 6 થી 7 લાખ પ્રવાસીઓ રાજ્યમાં આવી ચુક્યા છે. દેશના ઉત્તરીય ભાગમાં અસહ્ય ગરમીની કહેરથી પ્રવાસીઓનો ધસારો વધુ જોવા મળી રહ્યો છે. થોડા દિવસો પહેલા આ લોકોને હોસ્પિટલ નહોતી મળી અને હવે તેઓને હોટલ પણ નથી મળી રહી.
પ્રવાસન ઉદ્યોગ સાથે સંકળાયેલા લોકોનું માનવું છે કે આગામી દિવસોમાં લોકોનો ધસારો હજું વધશે. કારણ કે હિમાચલ પ્રદેશમાં પ્રવેશ માટે નેગેટિવ આરટીપીઆર રિપોર્ટ અને ઇ-કોવિડ પાસની સ્થિતિ પાછી ખેંચી લેવામાં આવી છે. તો રાજ્યના પર્યટન ઉદ્યોગને વેગ મળ્યો છે.
