માન્ચેસ્ટર સિટી મેસીને 300 કરોડ રુપિયા સુધી આપવા માટે તૈયાર, માન્ચેસ્ટર સિટી આટલી મોટી રકમ ઓફર કરી

0 minutes, 0 seconds Read

ભારતમાં આઈપીએલમાં કોઈ ખેલાડી 14 થી 15 કરોડ રુપિયામાં ખરીદાય છે તો તેને લઈને ભારે ચર્ચા થતી હોય છે પણ ફૂટબોલ જગતના સુપર સ્ટાર્સ માટે જે બોલી લાગે છે તેની આગળ ક્રિકેટરોની કોઈ વિસાત નથી.આર્જેન્ટિનાના અને દુનિયાના પણ દિગ્ગજ ફૂટબોલ પ્લેયર લિયોનલ મેસી ની ટીમ બાર્સેલોના હવે સ્પેનિશ ફૂટબોલ લીગ જીતવા માટેની રેસમાથી બહાર થઈ ગઈ છે.આ લીગમાં બાર્સેલોનાનુ પ્રદર્શન નિરાશાજનક રહ્યુ છે. જોકે એ પછી પણ મેસીની બોલબાલા ઘટી નથી અને ઉલટાનુ તેની ડીમાન્ડ વધી રહી છે.

માન્ચેસ્ટર સિટી મેસીને 300 કરોડ રુપિયા સુધી આપવા માટે તૈયાર

એક મીડિયા રિપોર્ટ પ્રમાણે માન્ચેસ્ટર સિટી તેમાં સૌથી આગળ છે. તે મેસી સાથે એક વર્ષનો કરાર કરવા માંગે છે અને તેના બદલમાં તે મેસીને 25 મિલિયન પાઉન્ડ એટલે કે 300 કરોડ રુપિયા સુધી આપવા માટે તૈયાર છે. જો મેસી આ કરાર કરશે તો તે પ્રીમિયર લિગના ઈતિહાસમાં સૌથી વધારે રકમ મેળવનાર ખેલાડી બની જશે.

મીડિયા રિપોર્ટ પ્રમાણે મેસીએ ટીમના મેનેજર સાથે વાતચીત પણ કરી છે. તો બીજી તરફ બાર્સેલોનાના મેનેજર રોનાલ્ડ કેમેનનુ કહેવુ છે કે, મેસી બાર્સેલોના છોડીને બીજે ક્યાંય નહીં જાય. હા આ બાબતે અંતિમ નિર્ણય મેસીને કરવાનો છે.

ફૂટબોલ ક્લબો મેસીને પોતાની ટીમમાં સામેલ કરવા માટે ઉત્સુક

બાર્સેલોના ક્લબ સાથેનો મેસીનો કરાર પૂરો થવાનો છે. હવે આ કરારને આગળ વધારાશે કે નહીં તેની જાહેરાત હજી થઈ નથી. મેસી હવે નવી ક્લબ સાથે રમવા માટે કરાર કરશે કે કેમ તે પણ હજી નક્કી નથી પણ કેટલીક ફૂટબોલ ક્લબો અત્યારથી મેસીને પોતાની ટીમમાં સામેલ કરવા માટે ઉત્સુક છે. જેમાં બ્રિટિશ કલબ માન્ચેસ્ટર સિટી, માન્ચેસ્ટર યુનાઈેડ અને ફ્રાન્સની ક્લબ પેરિસ સેન્ટ જર્મેન વચ્ચે મુકાબલો છે.

author

Shubham Agrawal

www.jantanews360.com એ ઓનલાઈન સમાચાર પૂરું પાડતું ઓનલાઈન પ્લેટફોર્મ છે. આ વેબસાઈટના માધ્યમથી ગુજરાતી ભાષામાં વિવિધ સમાચારો, લેખો, મનોરંજન, સ્ટોરી, બિઝનેસ, લાઈફ સ્ટાઈલ, ધાર્મિક, રમતગમતને લગતા વિવિધ અને સચોટ માહિતી પ્રસિદ્ધ કરવામાં આવે છે.

Similar Posts

Leave a Reply

Your email address will not be published. Required fields are marked *

You cannot copy content of this page

Verified by MonsterInsights