વડોદરામાં ચાલુ વરસાદે એક્ટિવા ચાલક ભૂવામાં પડ્યો,જુઓ વિડીયો

0 minutes, 3 seconds Read

ગુજરાતમાં હાલ ચોમાસું જામ્યું છે. અનેક વિસ્તારોમાં ધોધમાર વરસાદ વરસી રહ્યો છે. ત્યારે હાલ અનેક જગ્યાએ ભૂવા પડ્યાના અહેવાલો સામે આવી રહ્યા છે. આ સાથે આ ભુવામાં વાહનો પણ ખાબકી રહ્યા છે. જેને લઈ પ્રિ-મોન્સુનની કામગીરી પર સવાલો ઉઠી રહ્યા છે.

વડોદરાનો એક વીડિયો સોશિયલ મીડિયામાં હાલમાં વાયરલ થઈ રહ્યો છે. આ વીડિયોમાં તમે જોઈ શકો છો કે એક એક્ટવા ચાલક ચાલુ વરસાદમાં રોડ પરથી પસાર થઈ રહ્યો છે તે દરમિયાન પાણી ભરાયેલા એક ભૂવામાં એક્ટિવા સાથે પડી જાય છે. જોકે આ દુર્ઘટનામાં કોઈ જાનહાનિ થઈ નથી.

આ વીડિયો સોશિયલ મીડિયામાં વાયરલ થતાની સાથે જ લોકોમાં રોષ જોવા મળી રહ્યો છે. અને લોકો પ્રિ-મોન્સુનની કામગીરી સામે સવાલ ઉઠાવી રહ્યા છે. લોકો કહી રહ્યા છે કે આ પ્રકારની બેદરકારીને પગલે કોઈનો જીવ જશે તો તેની જવાબદારી કોણ સ્વીકારશે ?

બીજી બાજુ કોંગ્રેસે પણ આ મામલે પ્રતિક્રિયા આપતા વિકાસ ખાડામાં ગયો હોવાનું જણાવ્યું છે. આ અંગે કોંગ્રેસ નેતા અર્જૂન મોઢવાડિયાએ ટીખળ કરતા કહ્યું કે, રોડના નાણા ગજવાભેગા કરીને લોકોના હાડકા ભાંગવાની પૂર્ણ વ્યવસ્થા કરી રાખવામાં આવી છે.

author

Shubham Agrawal

www.jantanews360.com એ ઓનલાઈન સમાચાર પૂરું પાડતું ઓનલાઈન પ્લેટફોર્મ છે. આ વેબસાઈટના માધ્યમથી ગુજરાતી ભાષામાં વિવિધ સમાચારો, લેખો, મનોરંજન, સ્ટોરી, બિઝનેસ, લાઈફ સ્ટાઈલ, ધાર્મિક, રમતગમતને લગતા વિવિધ અને સચોટ માહિતી પ્રસિદ્ધ કરવામાં આવે છે.

Similar Posts

Leave a Reply

Your email address will not be published. Required fields are marked *

You cannot copy content of this page

Verified by MonsterInsights