રાજસ્થાનના જયપુરના બજાજ નગર વિસ્તારમાં મંગળવારે રાત્રે લૂટની એક ઘટના સામે આવી છે. અહીં ઘરેલુ નોકરે તેના 2 સાથીઓ સાથે મળી એક વૃદ્ધ મહિલાને ખુરશી સાથે બાંધી અને જ્વેલરી-રૂપિયા લઈ ફરાર થઈ ગયા છે.

65 વર્ષની કુસુમ શર્મા વિવેક વિહાર કોલોનીમાં એકલા રહે છે. તેમના બે દિકરા છે જેમના બે દિકરા આશીષ દુબઈ અને અન્ય દિકરો અજય અમેરિકામાં નોકરી રહે છે. આ ઘટના બન્યા બાદ પોતાની જાતને છોડાવી અને પડોશીને ઘટનાની જાણ કરી.

કુસુમલતાએ ભાવેશ નામના યુવકને 2 દિવસ અગાઉ જ ઘરેલુ નોકર તરીકે કામ પર રાખ્યો હતો. તે રાત્રે આશરે 10 વાગે પોતાના સાથીઓ સાથે આવ્યો અને કુસુમ શર્માને બેડરૂમમાં બંધક બનાવી દીધા. તેણે અલમારી અને તિજોરીની ચાવી લઈ તેમાંથી સોના-ચાંદીની જ્વેલરી તથા રોકડ રૂપિયા લૂટીને ભાગી ગયા હતા. મહિલાએ આશરે એક કલાક બાદ પોતાની જાતને દોરડાથી છોડાવી હતી.

બજાજ નગરની વિવેક વિહાર કોલોનીની બહાર આ ઘરમાં લૂટની ઘટના બની

ચાકુ લઈ આવ્યા અને હાથ-પગ બાંધી દીધા
કુસુમ શર્મા કહે છે કે રાત્રે આશરે 10 વાગે તે બેડરૂમમાં ખુરશીમાં બેઠી હતી. ત્યારબાદ નોકર ભાવેશ આવ્યો અને તેમની આંખો પર કપડાની પટ્ટી બાંધી દીધી. તેના એક સાથીએ બન્ને હાથ પકડી લીધા. તેમણે કહ્યું કે જો વધારે અવાજ કર્યો તો હાથમાં ચાકુ છે. ગર્દન કાપી નાંખશું.

આ દરમિયાન લુટારાઓએ તેના હાથ પગ ખુરશી સાથે બાંધી દીધા. મોઢુ કપડાથી બંધ કરી દીધું. વિરોધ કરવાના સંજોગોમાં કુસુમ શર્માને કંઈક સુંઘાડ્યું હતું. પણ તેમણે સુંઘ્યું નહીં, પણ તેઓ બેભાન થઈ ગયા હોવાનું નાટક કર્યું. લુટારાઓને લાગ્યું કે ખરેખર તે બેભાન થઈ ગયા છે.

ત્યારબાદ નોકરોએ તેમની પાસે રાખેલી ચાવીનો ઝૂડો ઉઠાવ્યો અને આશરે અડધો કલાક સુધી ઘરમાં તપાસ કરતા રહ્યા. અલમારી અને તિજોરીમાં રાખેલા સોના-ચાંદીની જ્વેલરી તથા રોકડ નાણાં તમામ લઈને ભાગી ગયા.

લુટારા ભાગી ગયા બાદ ગમે તેમ કરીને કુસુમ શર્માએ પોતાની જાતને છોડાવી અને બહાર જઈને પડોશીઓને આ અંગે જાણ કરી. તે એટલી બધી ગભરાઈ ગઈ હતી કે કંઈ પણ બોલી શકે તેવી સ્થિતિમાં ન હતી.પડોશીએ જ પોલીસને જાણ કરી હતી.

પીડિત મહિલા ઘટના બાદ ખૂબ ગભરાઈ ગઈ હતી

એક કંપની મારફતે નોકરી પર લાગ્યો હતો નોકર
ઘટનાની તપાસ કરી રહેલા પોલીસે જણાવ્યું હતું કે નોકર ભાવેશ 2 દિવસ અગાઉ કામ પર લાગ્યો હતો. આ અગાઉ હનુમાન નામનો યુવક છેલ્લા દોઢ વર્ષથી મહિલાને ત્યાં કામ કરતો હતો. હનુમાને ત્રણ-ચાર દિવસ અગાઉ ગામડે જવાની વાત કહી હતી. ત્યારે કુસુમ શર્માએ તેને નહીં જવા કહ્યું હતું. પણ હનુમાને ભાવેશને કામ પર લગાવવાની વાત કહી હતી.

હનુમાન બિહારનો રહેવાસી છે અને દિલ્હીની એક કંપની મારફતે કામ પર લાગ્યો હતો. તે કંપનીએ ભાવેશને મોકલ્યો હતો. હવે પોલીસ કંપની મારફતે તેની શોધખોળ કરી રહી છે.

લૂટની ઘટના બાદ ઘરમાં વિખેરાયેલો સામાન

જનતા ન્યુઝ 360 ગ્રુપમાં જોડાવા માટે લિંક ઓપન કરો

તથા

મિત્રોને મોકલો

https://chat.whatsapp.com/ENWnjy48XcYCTWM3QGjwgt

Leave a Reply

Your email address will not be published.