મેઘાલયના પશ્ચિમ ખાસી હિલ્સ જિલ્લા નજીકના એક વિસ્તારમાંથી 10 કરોડ વર્ષ પૂર્વેના સોરોપોડ ડાયનાસોરના હાડકાંના અવશેષો મળી આવ્યા છે. જો કે સંશોધનકારોના તારણો હજી પ્રકાશિત કરવામાં આવ્યા નથી.

ભારતીય ભૂવૈજ્ઞાનિક સર્વક્ષણ (જીએસઆઈ) ના સંશોધકોએ આ સ્થળની તેમની તાજેતરની મુલાકાત પછી આ તારણ કાઢ્યું હતું. જીએસઆઇ સંશોધનકારોએ નોંધ્યું હતું કે આ પ્રથમ વખત છે કે સંભવત ટાઇટોનોસોરીયન મૂળના સોરોપોડના અવશેષો મળી આવ્યા છે. જીએસઆઈના પેલેઓનોલોજી વિભાગના વરિષ્ઠ ભૂસ્તરશાસ્ત્રી અરિંદમ રાયે જણાવ્યું હતું કે મેઘાલયમાં જીએસઆઈને 2001 માં પણ ડાયનાસોરના હાડકાં મળી આવ્યા હતા.

પરંતુ તેમની સ્થિતિ એટલી ખરાબ હતી કે તેમની વર્ગીકરણ ઓળખ શક્ય નહોતી. તેમણે માહિતી આપી હતી કે આ વખતે જે હાડકાંની ઓળખ કરવામાં આવી ટે 2019-2020 અને 2020-21માં મળી આવ્યા હતા, જે આશરે 100 મિલિયન વર્ષ જૂનો હોવાનો અંદાજ છે.

સોંરોપોડની લાંબી ગરદન, લાંબી પૂંછડી, બાકીના શરીર કરતાં માથું ટૂંકુ, ચાર જાડા અને થાંભલા જેવા પગ હોતા હતા. તેમણે જણાવ્યું હતું કે મેઘાલય ભારતનું પાંચમું રાજ્ય છે જ્યાં આ મળી આવ્યું છે. ગુજરાત, મધ્યપ્રદેશ, મહારાષ્ટ્ર અને તામિલનાડુ પછી પૂર્વોત્તર રાજ્ય છે જ્યાં ટાઇટોનોસોરીયન મૂળના સોરોપોડના હાડકાં મળી આવ્યા છે. પરંતુ મળેલી માહિતી અનુસાર હમણા મળેલા અવશેષો પર રિસર્ચ ચાલુ છે.

 

By Shubham Agrawal

www.jantanews360.com એ ઓનલાઈન સમાચાર પૂરું પાડતું ઓનલાઈન પ્લેટફોર્મ છે. આ વેબસાઈટના માધ્યમથી ગુજરાતી ભાષામાં વિવિધ સમાચારો, લેખો, મનોરંજન, સ્ટોરી, બિઝનેસ, લાઈફ સ્ટાઈલ, ધાર્મિક, રમતગમતને લગતા વિવિધ અને સચોટ માહિતી પ્રસિદ્ધ કરવામાં આવે છે.

Leave a Reply

Your email address will not be published.

You cannot copy content of this page