દેશમાં એક જ દિવસમાં 1.15 લાખ નવા કેસ નોંધાયા છે. આ સાથે 4 એપ્રિલના રોજ મળેલા 1.03 લાખ દર્દીઓનો રેકોર્ડ પણ તૂટી ગયો હતો. 59,700 દર્દીઓ સ્વસ્થ થયા અને 630 લોકોએ પોતાનો જીવ ગુમાવ્યો છે, આ રીતે, એક્ટિવ કેસની સંખ્યા એટલે કે સારવાર લઈ રહેલા દર્દીઓની સંખ્યામાં 24 કલાકમાં રેકોર્ડ 54,795નો વધારો થયો છે. અગાઉ, 4 એપ્રિલના રોજ, 50,438 એક્ટિવ કેસ હતા. ત્યારે તે સૌથી વધુ હતા.

નવા કેસમાં દરરોજની જેમ મહારાષ્ટ્રમાં સૌથી વધુ 55,469 પોઝિટિવ મળી આવ્યા છે. 9,921 નવા દર્દીઓ સાથે છત્તીસગઢ બીજા સ્થાને છે. બંને રાજ્યો કુલ એક્ટિવ કેસમાં પણ ટોપ-2 માં છે. મહારાષ્ટ્રમાં 4.72 લાખ જ્યારે છત્તીસગઢમાં 52,445 દર્દીઓની સારવાર કરવામાં આવી રહી છે.

દેશમાં અત્યાર સુધીમાં લગભગ 1.28 કરોડ લોકો આ મહામારીની ઝપેટમાં આવી ચૂક્યા છે. તેમાંથી લગભગ 1.18 કરોડ લોકો સાજા થયા છે અને 1.66 લાખ લોકોએ પોતાનો જીવ ગુમાવ્યો છે. આ આંકડા covid19india.org પરથી લેવામાં આવ્યા છે.

કોરોના અપડેટ્સ

  • વધતા કોરોના કેસોને ધ્યાનમાં રાખીને દિલ્હી AIIMSએ 8 એપ્રિલથી કાયમી ધોરણે OPD બંધ કરી દીધી છે. એટલે કે, દર્દીઓ હવે સીધા ચેકઅપ માટે પહોંચી શકશે નહીં.
  • ઉત્તરાખંડની દહેરાદૂનની દૂન સ્કૂલના 7 વિદ્યાર્થીઓ અને 5 શિક્ષકોનો કોરોના રિપોર્ટ પોઝિટિવ આવ્યો છે. તેમને ક્વોરંટાઈન કરવામાં આવ્યા છે.
  • ગુજરાતના 20 શહેરોમાં બુધવારથી નાઇટ કર્ફ્યુ લાગુ કરવામાં આવ્યો છે. આ દરમિયાન બજારો રાત્રે 8 થી સવારના 6 વાગ્યા સુધી બંધ રહેશે. બિનજરૂરી કામથી બહાર નીકળવા પર પ્રતિબંધ રહેશે. લગ્ન સમારોહમાં માત્ર100 લોકો જ સામેલ થઈ શકશે. સરકારી ઓફિસો પણ 30 એપ્રિલ સુધી બંધ રહેશે.
  • ઝારખંડમાં પણ 8 થી 30 એપ્રિલ સુધી બધી દુકાન, ક્લબ અને રેસ્ટોરન્ટ રાત્રે 8 વાગ્યા પછી ખુલશે નહીં. આ સમયગાળા દરમિયાન હોમ ડિલિવરીને મુક્તિ મળશે. ધોરણ10 અને 12ના ક્લાસીસ ઓફલાઇન ચાલુ રહેશે. બાકીના વર્ગો ઓનલાઇન અભ્યાસ કરવામાં આવશે. 5 થી વધુ લોકોને એકઠા કરવા પર પ્રતિબંધ છે.
  • રાજસ્થાનના મુખ્યમંત્રી અશોક ગેહલોતે વડાપ્રધાન નરેન્દ્ર મોદીને એક પત્ર લખીને માંગ કરી છે કે આ વેક્સિન 18 વર્ષથી વધુ ઉંમરના લોકોને આપવામાં આવે.
  • છત્તીસગઢ વિધાનસભા સચિવાલયમાં 7 અધિકારી-કર્મચારીઓને સંક્રમણ લાગ્યું છે. જેના કારણે 11 એપ્રિલ સુધી સચિવાલય બંધ રાખવાની સૂચના આપવામાં આવી છે.
  • રાજ્યમાં વધતા કોરોનાના કેસો વચ્ચે ગુજરાત હાઇકોર્ટે ટિપ્પણી કરી છે કે રાજ્યમાં લોકડાઉનની જરૂર છે અને આ અંગે વહેલી તકે નિર્ણય લેવો જોઇએ. કોર્ટે દ્વારાજલ્દીથી રાજ્ય સરકારને વિકેન્ડ કર્ફ્યૂ અંગે નિર્ણય લેવા નિર્દેશ આપવામાં આવ્યા છે.

રાજયોની પરિસ્થિતી

1. મહારાષ્ટ્ર
અહીં મંગળવારે 55,469 નવા કેસ નોંધાયા હતા. 34,256 દર્દી સાજા થયા અને 297 લોકોએ પોતાનો જીવ ગુમાવ્યો હતો. રાજયમાં અત્યાર સુધીમાં 31.13 લાખ લોકો આ મહામારીની ઝપેટમાં આવી ચૂક્યા છે. તેમાંથી 25.83 લાખ લોકો સાજા થઈ ચૂક્યા છે, જ્યારે 56,330 લોકોના મોત થયા છે. હાલમાં લગભગ 4.72 લાખ લોકો સારવાર હેઠળ છે.

2. દિલ્હી
અહીં મંગળવારે 5,100 નવા કેસ આવ્યા હતા. 2,340 દર્દીઓ સાજા થયા અને 17નાં મોત નીપજ્યાં. આ મહામારીથી અત્યાર સુધીમાં 6.79 લાખ લોકો અસરગ્રસ્ત થયા છે, 6.54 લાખ લોકો સાજા થયા છે અને 11,૦96 લોકોએ પોતાનો જીવ ગુમાવ્યો છે. હાલ 14,579 લોકોની સારવાર ચાલી રહી છે.

3. મધ્યપ્રદેશ
અહીં મંગળવારે 3,722 નવા દર્દીઓ મળી આવ્યા હતા. 2,203 લોકો સાજા થયા, જ્યારે 18 લોકો મૃત્યુ પામ્યા. રાજ્યમાં અત્યાર સુધીમાં 3.13 લાખ લોકો સંક્રમિત થયા છે. તેમાંથી 2.85 લાખ લોકો સાજા થયા છે, જ્યારે 4,073 લોકો મૃત્યુ પામ્યા છે. હાલમાં, 24,155 લોકો સારવાર લઈ રહ્યા છે.

4. ગુજરાત
​​​​​​​અહીં મંગળવારે 3,280 નવા કોરોના દર્દીઓ મળી આવ્યા હતા. 2,167 દર્દીઓ સાજા થયા, જ્યારે 17 લોકો મૃત્યુ પામ્યા. રાજ્યમાં અત્યાર સુધીમાં 3.24 લાખ લોકો આ મહામારીની ઝપેટમાં આવી ચૂક્યા છે. આમાંથી 3.02 લાખ લોકો સાજા થયા છે, જ્યારે 4,598 દર્દીઓ મૃત્યુ પામ્યા છે અને 17,348 લોકો હાલમાં સારવાર લઈ રહ્યા છે.

5. પંજાબ
મંગળવારે અહીં 2,924 નવા દર્દીઓ મળી આવ્યા હતા. 2,350 સાજા થયા, જ્યારે 62 મૃત્યુ પામ્યા. રાજ્યમાં અત્યાર સુધીમાં 2.57 લાખ લોકો સંક્રમણથી અસરગ્રસ્ત થયા છે. તેમાંથી 2.23 લાખ લોકો સાજા થયા છે, જ્યારે 7,216 લોકો મૃત્યુ પામ્યા છે. હાલમાં 25,913 લોકોની સારવાર ચાલી રહી છે.

6. રાજસ્થાન
મંગળવારે અહીં 2,236 લોકો પિઝિટિવ મળી આવ્યા હતા. 851 દર્દીઓ સાજા થયા અને 13 લોકો મૃત્યુ પામ્યા. રાજ્યમાં અત્યાર સુધીમાં લગભગ 3.43 લાખ દર્દીઓ સંક્રમણથી અસરગ્રસ્ત થયા છે. તેમાંથી 3.24 લાખ સ્વસ્થ થયા છે, જ્યારે 2,854 લોકોએ પોતાનો જીવ ગુમાવ્યો છે. હાલમાં 16,140 દર્દીઓ સારવાર લઈ રહ્યા છે.

જનતા ન્યુઝ 360 ગ્રુપમાં જોડાવા માટે લિંક ઓપન કરો

તથા

મિત્રોને મોકલો

https://chat.whatsapp.com/ENWnjy48XcYCTWM3QGjwgt

Leave a Reply

Your email address will not be published.