તૌકતે વાવાઝોડા દરમિયાન મોટી સંખ્યામાં વીજળીના થાંભલા પડી ગયા હતા, જેના કારણે સૌરાષ્ટ્રના સેંકડો ગામમાં વીજળી જતી રહી હતી. પરંતુ ભાવનગરના વાલર સરકારના આત્મનિર્ભરતાના મંત્રને ગંભીરતાથી લઈને અન્ય ગામડાઓ કરતા બે દિવસ પહેલા વીજળી પાછી મેળવી. વાલર ગામના લોકોએ પૈસા ભેગા કરીને ધરાશયી થયેલા વૃક્ષો હટાવીને રસ્તા સાફ કર્યા, પડી ગયેલા થાંભલા ઉભા કર્યા, નવા થાંભલા લગાવ્યા અને પાવર લાઈન નાખી. ત્યારપછી તેમણે પશ્ચિમ ગુજરાત વીજ લિમિટેડ(PGVCL) પાસે જઈને ગામમાં વીજળી શરૂ કરવા માટે અપીલ કરી.

ઉલ્લેખનીય છે કે આ ગામના મોટા ભાગના વીજળીના થાંભલા પડી ગયા હતા અથવા તો તેમાં મોટા પ્રમાણમાં નુકસાન થયુ હતું. આસપાસના ગામ સાથે જોડતા રસ્તાઓ પર મોટા વૃક્ષો ધરાશયી થઈને પડ્યા હોવાને કારણે ગામ સંપર્કવિહોણું બની ગયુ હતું. જિલ્લા તંત્ર અથવા PGVCLના કર્મચારીઓની રાહ જોવા કરતા ગામના યુવાનોએ જાતે જ કામ શરુ કરવાનું નક્કી કર્યું.

ગામના યુવાનોએ પ્રત્યેક ઘર પાસેથી રુપિયા ઉઘરાવ્યા અને જેસીબી મશીન ભાડેથી લીધું, જેનાથી સૌથી પહેલા વૃક્ષો હટાવીને રસ્તા સાફ કરવામાં આવ્યા. ઉલ્લેખનીય છે કે આ ગામમાં લગભગ 1500 લોકોની વસતી છે. રસ્તા સાફ થતા ગામના લોકો અન્ય ગામોમાં અથવા જિલ્લામાં અન્ય સ્થળોએ અવરજવર કરતા શરૂ થયા. ત્યારપછી ગ્રામજનોએ 11 વીજળીના થાંભલા ઉભા કર્યા અને સંપૂર્ણપણે નાશ પામેલા સાત વીજળીના થાંભલાના સ્થાને નવા ઈન્સ્ટોલ કર્યા.

ગામના એક રહેવાસી પદુભા સરવૈયા જણાવે છે કે, દાઠા ગમમાં 66KV સબસ્ટેશન છે જ્યાં વીજળી હતી, પરંતુ લાઈન કપાઈ ગઈ હોવાને કારણે અંધારામાં રહેવુ પડ્યુ હતું. વીજળીના થાંભલા ઉભા કર્યા પછી અમે જાતે જ પાવર લાઈન નાખી અને પછી તંત્રને વિનંતી કરી કે વીજળીનો સપ્લાય શરૂ કરે. 20મી મેની સાંજે વાલર ગામમાં વીજળીનો સપ્લાય શરુ થઈ ગયો હતો જ્યારે બાકીના ગામોને શનિવારના રોજ વીજળી મળી હતી.

ગામના અન્ય એક રહેવાસી દિવ્યરાજસિંહ સરવૈયા જણાવે છે કે, કામ શરૂ કરવા માટે પ્રશાસનની રાહ જોવાનો કોઈ અર્થ જ નથી. અમારી પાસે સંસાધનો હતા અને જાણકારી પણ હતી, માટે અમે જાતે જ કામ કરવાનું નક્કી કર્યું.

By Shubham Agrawal

www.jantanews360.com એ ઓનલાઈન સમાચાર પૂરું પાડતું ઓનલાઈન પ્લેટફોર્મ છે. આ વેબસાઈટના માધ્યમથી ગુજરાતી ભાષામાં વિવિધ સમાચારો, લેખો, મનોરંજન, સ્ટોરી, બિઝનેસ, લાઈફ સ્ટાઈલ, ધાર્મિક, રમતગમતને લગતા વિવિધ અને સચોટ માહિતી પ્રસિદ્ધ કરવામાં આવે છે.

Leave a Reply

Your email address will not be published. Required fields are marked *