Specially-abled dancer 4: વ્યક્તિ જો ઈચ્છે તો કોઈ પણ કામ તેના માટે મુશ્કેલ નથી. રસ્તામાં કેટલી પણ અડચણો કેમ ન મળે જો માણસનું મન મક્કમ હોય તો તે પોતાના લક્ષ્ય સુધી અવશ્ય પહોંચે છે. આજ વાતને સાબિત કરતો એક વીડિયો હાલ સોશિયલ મીડિયામાં વાયરલ થઈ રહ્યો છે. આ વીડિયોને લોકો ખૂબ પસંદ કરી રહ્યા છે.

વીડિયોમાં એક મહિલા તેના પાર્ટનર સાથે ડાન્સ કરતી જોવા મળે છે. હવે તમે કહેશો કે ડાન્સ કરવો એ તો સામાન્ય વાત છે તેમાં ખાસ શું છે? તો તમને જણાવી દઈએ કે આ વીડિયો વેનેઝ્યુએલાનો છે અને વીડિયોમાં દેખાતી ફીમેલ ડાન્સર આન્દ્રેના હર્નાન્ડેઝે અકસ્માતમાં પોતાનો એક પગ ગુમાવ્યો હતો.

તમને જણાવી દઈએ કે આ મહિલાએ એ જ જગ્યાએ જઈને ડાન્સ પરફોર્મ કર્યો જે જગ્યાએ પાંચ વર્ષ પહેલા તેનો અકસ્માત થયો હતો. આ અકસ્માત એટલો ગંભીર હતો કે તેણે પોતાનો એક પગ ગુમાવવો પડ્યો હતો. તેણે પોતાના પાર્ટનર રોબર્ટ સાથે ઘટના સ્થળે જઈને સાલ્સા ડાન્સ પરફોર્મ કર્યો અને આ ડાન્સને રેકોર્ડ પણ કરાવ્યો. પરફોર્મન્સ દરમિયાન તેના મોઢા પર સ્મિત જોવા મળે છે.


આ વીડિયોને હાલ સોશિયલ મીડિયા પર લોકો દ્વારા ખૂબ શેયર કરવામાં આવી રહ્યો છે. સોશિયલ ડાન્સ ફેસ્ટિવલ દરમિયાન આ ડાન્સ રેકોર્ડ કરવામાં આવ્યો છે. વીડિયોને 4 જૂનના રોજ પોસ્ટ કરવામાં આવ્યો હતો. આ વીડિયોને હમણા સુધીમાં હજારો લોકોએ જોયો અને પસંદ કર્યો છે. વીડિયો જોઈને લોકોને પ્રેરણા મળી રહી છે અને લોકો સોશિયલ મીડિયા પર વિવિધ પ્રતિક્રિયાઓ આપી રહ્યા છે.

By Shubham Agrawal

www.jantanews360.com એ ઓનલાઈન સમાચાર પૂરું પાડતું ઓનલાઈન પ્લેટફોર્મ છે. આ વેબસાઈટના માધ્યમથી ગુજરાતી ભાષામાં વિવિધ સમાચારો, લેખો, મનોરંજન, સ્ટોરી, બિઝનેસ, લાઈફ સ્ટાઈલ, ધાર્મિક, રમતગમતને લગતા વિવિધ અને સચોટ માહિતી પ્રસિદ્ધ કરવામાં આવે છે.

Leave a Reply

Your email address will not be published. Required fields are marked *