2 વર્ષના પુત્રને મૂકી વડોદરામાં SOG પીઆઈના પત્ની એક મહિનાથી ગુમ, પતિએ ફરિયાદ ન નોંધાવતા અનેક સવાલ

0 minutes, 0 seconds Read

વડોદરા જિલ્લા એસઓજી પીઆઇ અજય દેસાઇની પત્ની સ્વીટી પટેલ છેલ્લા એક મહિનાથી ગુમ છે. સ્વીટી પટેલ 6 જૂનના રોજ કોઈ કારણોસર પોતાના 2 વર્ષના પુત્રને ઘરે મૂકી કોઇ કારણોસર જતાં રહ્યાં હતાં. આ મામલે PI ના સાળાએ કરજણ પોલીસ સ્ટેશનમાં 11 જૂનના રોજ જાણવાજોગ ફરિયાદ પણ નોંધાવી હતી. પરંતુ 24 દિવસ બાદ પણ કરજણ પોલીસ સ્વીટી પટેલને શોધી શકી નથી.

હવે, ગાંધીનગર તરફથી સૂચના મળ્યા બાદ ડીઆઈજી અને એસપી સહિતનો કાફલો કરજણ દોડ્યો છે. એસપીએ કરજણ પોલીસ પાસેથી તપાસ લઇને ડીવાયએસપીને સોંપી છે. પરંતુ મહત્વનો પ્રશ્ન એ છે કે સ્વીટી પટેલના પતિ પીઆઇ અજય દેસાઇએ પોલીસ સ્ટેશનમાં ફરિયાદ કેમ નોંધાવી નથી.

એસઓજીના પીઆઈ અજય દેસાઇ વડોદરા રેંજ સાયબર ક્રાઇમનો ચાર્જ પણ સંભાળે છે

ઉલ્લેખનીય છે કે એસઓજીના પીઆઈ અજય દેસાઇ વડોદરા રેન્જ સાયબર ક્રાઇમનો ચાર્જ પણ સંભાળે છે. પી.આઇ.ના સાળા દ્વારા નોંધાયેલી ફરિયાદ બાદ પોલીસે કાર્યવાહી હાથ ધરી છે અને સ્વીટીબેનને શોધવા માટે આકાશ પાતાળ એક કરવામાં આવી રહ્યા છે.

સ્વીટીબેન પોતાનો ફોન ઘેર મૂકીને ગયા હોવાથી તેમને શોધવા માટે પણ પોલીસને મુશ્કેલીનો સામનો કરવો પડી રહ્યો છે. જો કે પીઆઇના પત્નીને શોધી કાઢવા સમગ્ર જિલ્લા પોલીસ દ્વારા શોધખોળ હાથ ધરવામાં આવી છે.

author

Shubham Agrawal

www.jantanews360.com એ ઓનલાઈન સમાચાર પૂરું પાડતું ઓનલાઈન પ્લેટફોર્મ છે. આ વેબસાઈટના માધ્યમથી ગુજરાતી ભાષામાં વિવિધ સમાચારો, લેખો, મનોરંજન, સ્ટોરી, બિઝનેસ, લાઈફ સ્ટાઈલ, ધાર્મિક, રમતગમતને લગતા વિવિધ અને સચોટ માહિતી પ્રસિદ્ધ કરવામાં આવે છે.

Similar Posts

Leave a Reply

Your email address will not be published. Required fields are marked *

You cannot copy content of this page

Verified by MonsterInsights