સૌરાષ્ટ્રમાં રાજકોટ, જામનગર અને જૂનાગઢમાં જિલ્લામાં 22 ઇંચ સુધીનો વરસાદ થયો. જેથી આ ત્રણેય જિલ્લામાં દરેક જગ્યાએ જળબંબાકારની સ્થિતિ સર્જાઈ છે. જામનગરના કાલાવડમાં 22 ઇંચ વરસાદ નોંધાયો છે. સૌરાષ્ટ્રમાં ભારે વરસાદને લીધે 5 જિલ્લાના 38 ડેમ ઓવરફ્લો થયા છે.
રાજકોટમાં રવિવારથી સોમવાર રાત સુધીના 24 કલાકમાં 16 ઇંચ વરસાદ નોંધાયો હતો. જૂનાગઢ જિલ્લામાં 17 ઇંચ વરસાદ વિસાવદરમાં પડ્યો હતો. જામનગર અને રાજકોટ જિલ્લામાં ભારે વરસાદને કારણે પાણી ભરાયા હતા.
ઉલ્લેખનીય છે કે, થોડા દિવસો પહેલા સૌરાષ્ટ્રના તમામ ડેમ ભારે વરસાદને કારણે છલકાઈ ગયા. ભાદરવા મહિનામાં ભારે વરસાદને કારણે તમામ ડેમોની સ્થિતિ સુધરી છે. જ્યારે આજી -1 ડેમ ઓવરફ્લો થવાની તૈયારીમાં છે.
રાજકોટ જિલ્લાના 17 ડેમ ઓવરફ્લો થયા છે. ભાદર -2, ન્યારી -1, ન્યારી -2, આજી -2, આજી -3, છાપરવાડી -1, છાપરવાડી -2, વેરી, ફોફળ મોતીસર, ડોંડી, ઈશ્વરીયા, ઘોડાપીપર, લાલપરી, મોજ, વેણુ -2 અને સોડવદર -2 ડેમ ઓવરફ્લો થયો છે. ભાદર ડેમમાં 5 ફૂટની આવક સાથે વર્તમાન સપાટી 28 ફૂટને પાર કરી ગઈ છે. તો ડેમ છલકાવામાં માત્ર 5 ફૂટ બાકી છે. આજી ડેમ પણ 90 ટકાથી વધુ ભરેલો છે, તેથી નીચાણવાળા ગામોને ચેતવણી આપવામાં આવી છે કારણ કે તે કોઈપણ સમયે પૂર આવી શકે છે.
