અમદાવાદ : ગુજરાત હાઇકોર્ટે સગીરા સામે બળાત્કાર અને ગર્ભપાત કેસમાં સહ આરોપીને આગોતરા જામીન આપી દીધા છે. કોર્ટે નિરીક્ષણ કર્યું હતું કે સહ આરોપી પીડિતાનો ભાઈ છે અને તે ગર્ભપાત માટે પીડિતા સાથે હોસ્પિટલમાં ગયો હતો. તેણે રેપ નથી કર્યો. આ કેસમાં સહ આરોપીની ગંભીર ભૂમિકા ન હોવાથી આગોતરા જામીન મંજૂર કરવામાં આવ્યા છે.
બીજી તરફ, ગુજરાત હાઇકોર્ટે સગીરા માટે ગર્ભપાતને મંજૂરી આપી છે. ગુજરાત હાઇકોર્ટે જામનગરની 17 વર્ષીય પીડિતાના 23 સપ્તાહના ગર્ભપાતને મંજૂરી આપી છે. જો કે, હાઈકોર્ટે પીડિતાના ગર્ભના ડીએનએ પરીક્ષણ માટે નમૂના લેવા મોકલવાનો આદેશ આપ્યો છે.
હાઈ કોર્ટે કહ્યું કે રેપ કેસમાં પીડિતા સગીરા છે અને તેના ભવિષ્યને ધ્યાનમાં રાખીને નિર્ણય લેવામાં આવ્યો છે.
આ કેસમાં અરજદારે કોર્ટમાં રજૂઆત કરી હતી કે પીડિતા પર આરોપી દ્વારા અનેક વખત બળાત્કાર ગુજારવામાં આવ્યો છે. જો ગર્ભપાત કરવામાં ન આવે, તો પીડિતાને આર્થિક, સામાજિક અને માનસિક પીડામાંથી પસાર થવું પડશે. ઉલ્લેખનીય છે કે પીડિતાએ સહકારી અને માલિકના પુત્ર દ્વારા વારંવાર બળાત્કાર ગુજાર્યો હતો, અને ફરિયાદ નોંધાઈ હતી.
