PM નરેન્દ્ર મોદીએ વેક્સીનેશન અભિયાનના 1 વર્ષ પૂરા થવા પર વેક્સીનેશન અભિયાન સાથે સંકળાયેલા દરેક વ્યક્તિને સલામ કરી છે. PMએ વેક્સીનેશન અભિયાન માટે ડોક્ટરો, નર્સો અને આરોગ્ય સંભાળ કર્મીઓની ભૂમિકાની પ્રશંસા કરી છે. તેમણે એમ પણ કહ્યું કે ભારતના વેક્સીનેશન કાર્યક્રમે કોવિડ-19 સામેની લડાઈમાં મોટી તાકાત ઉમેરી છે.
MyGovIndia દ્વારા કરવામાં આવેલા ટ્વીટના જવાબમાં, શ્રેણીબદ્ધ ટ્વીટ્સમાં PM મોદીએ કહ્યું હતું કે, આજે આપણે 1YearOfVaccineDriveને ચિહ્નિત કરીએ છીએ. વેક્સીનેશન અભિયાન સાથે સંકળાયેલા દરેક વ્યક્તિને હું સલામ કરું છું.
આપણા વેક્સીનેશન કાર્યક્રમે કોવિડ-19 સામેની લડાઈમાં મોટી તાકાત ઉમેરી છે, જે જીવન બચાવવા અને આજીવિકાનું રક્ષણ કરવા તરફ દોરી ગયો છે. આ સાથે જ, આપણા ડૉક્ટરો, નર્સો અને આરોગ્ય સંભાળ કર્મીઓની ભૂમિકા અસાધારણ છે. જ્યારે આપણે દૂરના વિસ્તારોમાં વેક્સીનેશન કરતા લોકોની ઝલક જોઈએ છીએ, અથવા આપણા આરોગ્યસંભાળ કર્મચારીઓ ત્યાં વેક્સીન લેતા હોય છે, ત્યારે આપણું હૃદય અને મન ગર્વથી ભરાઈ જાય છે.
PMએ કહ્યું કે, રોગચાળા સામે લડવાનો ભારતનો અભિગમ હંમેશા વિજ્ઞાન આધારિત રહેશે. આપણા સાથી નાગરિકોને યોગ્ય કાળજી મળી રહે તે સુનિશ્ચિત કરવા માટે અમે સ્વાસ્થ્ય માળખામાં પણ વધારો કરી રહ્યા છીએ. ચાલો આપણે બધા કોવિડ-19 સંબંધિત પ્રોટોકોલને અનુસરતા રહીએ અને રોગચાળાને દૂર કરીએ.
