વડોદરાઃ મોત પહેલા દર્દીનો છેલ્લો વીડિયો કહ્યું, જેમાં તેઓ જણાવે છે કે, જાતે જ ત્રણ દિવસથી પાણી ભરૂ છું.

0 minutes, 0 seconds Read

શહેરની પાયોનિયર કોવિડ કેરમાં સારવાર લઇ રહેલા દર્દી પરેશ ભુરાભાઇ ખાંટનો વીડિયો સામે આવ્યો છે. જેમાં તેઓ જણાવે છે કે, જાતે જ ત્રણ દિવસથી પાણી ભરૂ છું. વીડિયોમાં દેખાય છે કે, તેમને આટલું બોલવામાં ઘણો જ શ્રમ પડી રહ્યો છે. જે બાદ તોઓ બતાવે છે કે, તેમનો પાણીનો બોટલ નીચે પડી ગયો છે. વીડિયોમાં દેખાતો દર્દી 14 દિવસથી પાયોનિયર કોવિડ કેર ખાતે સારવાર લઇ રહ્યો હતો. ગઇકાલે તેમનું સારવાર દરમિયાન નિધન થયું હતું.

શહેર સહિત રાજ્યભરમાં કોરોનાનો કહેર વ્યાપી રહ્યો છે. યુદ્ધનાં ધોરણે કોવિડ કેર સેન્ટર ઉભા કરી અને તેમાં સારવાર આપવામાં આવી રહી છે. ત્યારે શહેરની આજવા ચોકડી પાસેની પાયોનિયર હૉસ્પિટલમાં ઉભા કરાયેલા કોવિડ કેર સેન્ટરમાં દર્દીઓને પડી રહેલી તકલીફોનો એક વીડિયો વાયરલ થઇ રહ્યો છે. જેમાં અહીં સારવાર લઇ રહેલા એક દર્દીનું મોત નીપજ્યું છે. તેમના મોત પહેલાનો એક વીડિયો સામે આવ્યો છે. જેમાં તેઓ જણાવે છે કે, ઓક્સિજન માસ્ક પહેરીને હાંફતા હાંફતા જણાવે છે કે, હું અહિંયા પાણી પણ જાતે જ ભરું છું.

આ મૃતકનાં પરિવારજનોએ તો એવો પણ આક્ષેપ કર્યો હતો કે, અમારી પાસે હોસ્પિટલમાં 27000 રુપિયા ચાર્જ લેવામાં આવ્યો છે. જ્યારે તેમને ફ્રી બેડ પર દાખલ કરાયા હતા.આ ચાર્જ શેનો લેવાયો છે તેની અમને ખબર નથી.

મળતી વિગતો પ્રમાણે મૂળે મોડાસના અને હાલમાં મકરપુરા જીઆઈડીસી પાસે રહેતા 34 વર્ષના પરેશ ભૂરાભાઈ ખાંટને 13 દિવસ અગાઉ કોરોના થયો હતો. તેમને ખાનગી હોસ્પિટલમાં લઈ જવાયા હતા. જ્યાં તેમનુ ઓક્સિજન લેવલ ઘટી જતા પહેલા ગોત્રી હોસ્પિટલ લઈ જવાયા હતા.જ્યાંથી તેમને પાયોનિયર હોસ્પિટલ ખાતે રિફર કરવામાં આવ્યા હતા. ત્યાર બાદ હવે પાયોનિયર કોવિડ કેરમાં દર્દીઓને પડતી હાલાકીનો વીડિયો સામે આવ્યો હતો.

પાયોનિયર કોવિડ કેરની બહાર વેઇટીંગમાં બેઠા દર્દીના સગાઓ ખૂબ જ ચિંતીત જોવા મળતા હોય છે. અહીં સારવાર લઇ રહેલા દર્દીઓને પડતી હાલાકીના અહેવાલ અગાઉ પણ મીડિયામાં પ્રકાશિત થઇ ચૂક્યા છે, પરંતુ, તે અંગે કોઇ નક્કર પગલા લેવામાં આવ્યા નથી.

author

Shubham Agrawal

www.jantanews360.com એ ઓનલાઈન સમાચાર પૂરું પાડતું ઓનલાઈન પ્લેટફોર્મ છે. આ વેબસાઈટના માધ્યમથી ગુજરાતી ભાષામાં વિવિધ સમાચારો, લેખો, મનોરંજન, સ્ટોરી, બિઝનેસ, લાઈફ સ્ટાઈલ, ધાર્મિક, રમતગમતને લગતા વિવિધ અને સચોટ માહિતી પ્રસિદ્ધ કરવામાં આવે છે.

Similar Posts

Leave a Reply

Your email address will not be published. Required fields are marked *

You cannot copy content of this page

Verified by MonsterInsights