વડોદરાના વાઘોડિયા તાલુકાના પીપળીયા ગામ પાસે એક ગંભીર અકસ્માત સર્જાયો. આ અકસ્માતના CCTV ફુટેજ સામે આવ્યા છે. રોડ ક્રોસ કરી રહેલા યુવકનું સિટી બસની અડફેટે આવતા નિધન થયું છે. સમગ્ર બનાવ મામલે બસ ડ્રાયવરની ધરપકડ કરી તેને સસ્પેન્ડ કરવામાં આવ્યો છે.
આ ઘટના અંગે મળતી માહિતી મુજબ, રોડ ક્રોસ કરી રહેલો યુવવક મોબાઈલમાં એટલો વ્યસ્ હતો કે તેણે બસનો અવાજ સંભળાઈ જ નહીં અને બસની અડફેટે આવી જતા સ્થળ પર જ તેનું મોત થયું હતું.આ સમગ્ર ઘટના CCTVમાં કેદ થઈ ગઈ હતી.ઘટનાને પગલે ત્યાં લોકોના ટોળા એકઠા થઈ ગયા હતા.પોલીસ પણ તરત જ ઘટના સ્થળે પહોંચી ગઈ હતી. હાલમાં વ્યક્તિના મ-તદેહને પીએમ અર્થે ખસેડવામાં આવ્યો છે. મજતક યુવક સચિન કશ્યપ ઉત્તરપ્રદેશનો રહેવાસી હોવાનું જાણવા મળી રહ્યું છે.
વાઘોડિયા પોલીસે આ બનાવ અંગે સિટી બસ સામે અકસ્માતનો ગુનો દાખલ કરી તેની ધરપકડ કરી હતી. બીજી બાજુ સીટી બસના સંચાલકો દ્વારા બસ ચાલકને નોકરીમાંથી સસ્પેન્ડ કરી દેવામાં આવ્યો હોવાનું જાણવા મળ્યું છે.
