રાજકોટ : રાજકોટના મવડી રોડ પર આવેલા શિવ શક્તિ ડેરીમાં ચાર લોકોએ ફિનાઈલ પી આત્મહત્યા કરવાનો પ્રયાસ કર્યો હતો. આ સંદર્ભે, દલિત સમાજે ડેરીના માલિક સહિત 3 સામે બળજબરીનો આરોપ લગાવ્યો હતો. દલિત સમાજના આગેવાનના કહેવા મુજબ 25 વર્ષથી આ જગ્યા ખાલી હતી અને ત્યાં બાબા સાહેબની પ્રતિમા રાખવામાં આવતી હતી, જો કે છેલ્લા 5 વર્ષોથી આ જગ્યામાં વિવાદ કરીને જમીન પચાવી પાડવાનો આરોપ લગાવ્યો છે.
હાથમાં ફિનાઇલ લઇને કેતન સાગઠીયા, મંજુબેન વાઘેલા, ગૌરીબેન ચાવડા, શોભના ચાવડા બપોરે વાગ્યે મેવાડી રોડ ઉપર આવેલી ડેરી પાસે પહોંચ્યા હતા અને ફિનાઇલ પી લીધા બાદ આત્મહત્યા કરવાનો પ્રયાસ કર્યો હતો. ઘટનાની જાણ થતાં પોલીસ સ્ટાફ તાત્કાલિક ઘટના સ્થળે દોડી ગયો હતો અને 108 ની મદદથી ચારેયને સારવાર માટે હોસ્પિટલમાં ખસેડાયા હતા.
પોલીસની પ્રાથમિક તપાસમાં માવડી વિસ્તારમાં કરોડોના જમીનના વિવાદમાં તેણે આત્મહત્યા કરવાનો પ્રયાસ કર્યો હોવાનું પ્રાથમિક તપાસમાં બહાર આવ્યું છે.ડેરીના માલીક જગદીશ પટેલે જણાવ્યું હતું કે તેમણે અઢી વર્ષ પહેલા મવડી વિસ્તારમાં 3 એકર જમીન ખરીદી હતી અને જે લોકો ત્યાં રહેતા તેઓ જમીનના કબજા અંગે સુપ્રીમ કોર્ટમાં કેસ જીતી લીધો હતો.
આ અંગે સ્થાનિકો અને પોલીસની મધ્યસ્થીથી બાબા સાહેબ આંબેડકરની પ્રતિમાને હટાવવામાં આવી હતી અને સ્થળાંતર કરવામાં આવ્યું હતું. તેણે સમાધાન કર્યા હોવા છતાં દબાણ માટે આ રીતે વર્તન કરવાનો આરોપ મૂક્યો હતો
