આંતરરાષ્ટ્રીય બજારમાં હીરાની ભારે માંગ છે. જેના કારણે સુરતના હીરા બજારમાં ફરી તેજી જોવા મળી રહી છે. કારીગરો કે જેઓ હજી ઘરેથી પરત ફર્યા નથી. જેના કારણે હીરાનું production સમયસર મળતું નથી. સુરતમાં લગભગ બે લાખ કારીગરોની અછતનો સામનો કરવો પડી રહ્યો છે.
કોરોનાના કેસ યુ.એસ., હોંગકોંગમાં ઘટી ગયા છે તેથી ત્યાં લોકડાઉન હટાવવામાં આવ્યું છે. પરિણામે, આ દેશોમાં હીરાની માંગ ફરી વધી છે અને તેજી જોવા મળી રહી છે. આંતરરાષ્ટ્રીય બજારમાં ડાયમંડ જ્વેલરીની પણ વધુ માંગ વધી છે. હાલમાં હીરા ઉદ્યોગમાં તેજી જોવા મળી રહી છે, પરંતુ કારીગરોની અછતએ હીરા ઉત્પાદકોની મુશ્કેલીમાં વધારો કર્યો છે.
સુરત શહેરમાં આશરે 4000 નાના-મોટા ડાયમંડ યુનિટો છે. જેમાં 10 લાખથી વધુ રત્ન કલાકારો સામેલ છે. પરંતુ કોરોના અને લોકડાઉનમાં રત્નકલાકારો શહેરમાં ઘરે જતા રહ્યા હતા. જેમાંથી મોટાભાગના કારીગરો પાછા ફર્યા નથી.
સુરતમાં હાલમાં લગભગ બે લાખ કર્મચારીઓની અછત છે. આનાથી રવિવારે પણ કારખાના ચાલુ રાખવાની ફરજ પડી છે. મોટી ડાયમંડ કંપનીએ સમયસર ઉત્પાદન પૂર્ણ કરવા અને ચાર રવિવાર માંથી 3 રવિવાર અડધો દિવસ સુધી ડાયમંડ ફેક્ટરી શરૂ કરવી પડશે.
ડાયમંડ એસો.ના નાનુભાઇ વેકરીયા. કહે છે કે હાલમાં હીરાની ફેક્ટરીમાં તેજી છે. પરંતુ શહેરમાં 20 ટકા હીરા કામદારોની અછતનો સામનો કરવો પડી રહ્યો છે. જેથી રવિવારે પણ હીરાના કારખાના શરૂ કરવા પડ્યા છે. અને પ્રોડક્શનને પહોંચી વળવા ઓવરટાઇમ કામ કરવું પડે છે.
