મહીસાગર જિલ્લામાં બનેલી એક ગંભીર ઘટનામાં કિશોર મોબાઈલ ચાર્જ કરતાં કરતાં ગેઈમ રમતો હતો ત્યારે અચાનક મોબાઈલમાં બ્લાસ્ટ થતાં કિશોરને ગંભીર ઈજા થઈ છે. બાલાસિનોરમાં મોબાઈલ બ્લાસ્ટની બનેલી આ ઘટનાએ ખળભળાટ મચાવ્યોછે. મોબાઈલ ચાર્જિંગ માં રાખી ગેમ રમવા કે વાત કરનારા લોકો માટે અને બેદરકારી દાખવાનાર વાલીઓ માટે આ ઘટના ચેતવણી સમાન છે.
![](https://gujarati.netdakiya.com/wp-content/uploads/2021/11/f11f4e76-9cab-4622-91d7-31802c2eddbb.jpg)
બાલાસિનોરના ભમરીયા ગામની ઘટનામાં મોબાઈલ ચાર્જિંગ ચાલુ રાખી ગેમ રમતા સમયે અચાનક મોબાઈલમાં બ્લાસ્ટ થયો હતો. આ ઘટનામાં ગેમ રમતા કિશોરના હાથમાં ગંભીર ઈજા પહોંચી હતી. ઈજાગ્રસ્ત કિશોરને બાયડની હોસ્પિટલમાં સારવાર માટે ખસેડાયો છે.
આ કિશોરના હાથની આંગળીના ટેરવા ઉડી ગયા હતા. આ ઘટનાથી હતપ્રભ થયેલા વાલીઓ બાળકને તાત્કાલિક હોસ્પિટલ લઇ ગયા હતા. જ્યાં તેના હાથની આગલીનું ઓપરેશન કરવું પડ્યું હતું. શાળાના નાના ભુલકાઓ અને વિધાર્થીઓ માટે આ ચેતવણીરૂપ કિસ્સો છે કે, મોબાઈલ ક્યારેય ચાર્જમાં મુક્યો હોય ત્યારે, તેનાથી રમવું ના જોઈએ.