વડોદરા : જ્યુપીટર હોસ્પિટલ વડોદરાના અટલાદરા વિસ્તારમાં આવેલી છે. જ્યુપીટર હોસ્પિટલની ગલીમાં ખુલ્લી જગ્યામાં કાર પાર્ક કરવામાં આવી હતી. શુક્રવારે બપોરે ખુલ્લી જગ્યામાં પાર્ક કરેલી કારમાં આગ લાગી હતી. આગ ઝડપથી ફેલાતાં ચારેય કાર એક પછી એક લપેટમાં આવી ગઈ હતી. સ્થાનિકોનું ધ્યાન સમગ્ર ઘટના તરફ ગયું અને તાત્કાલિક ફાયર વિભાગને જાણ કરી.
ફાયર વિભાગ એ તાત્કાલિક ઘટના સ્થળે પહોંચીને આગ પર કાબુ મેળવવાની કામગીરી આરંભી હતી. આગ લાગવાનું કારણ હાલ સ્પષ્ટ મળ્યું નથી.
એક તબક્કે, વિસ્તારમાં અચાનક કારની આગને કારણે લોકોના જીવ તાળવે ચોંટી ગયા હતા. પરંતુ ફાયર વિભાગના કામગીરીને પગલે સ્થાનિકોએ રાહતનો શ્વાસ લીધો હતો.
તે અહીં ઉલ્લેખનીય છે. શહેરમાં વાહનમાં આગના બનાવો સામે આવતા હોય છે. પરંતુ અટલાદરા વિસ્તારમાં આગને લઈને ઘણું વિવાદ સર્જાયો છે. ખુલ્લી જગ્યામાં પાર્ક કરેલી કારમાં લાગેલી આગને કારણે લોકો ઘણી સંભાવનાઓ વ્યક્ત કરી રહ્યા છે. જો આખી ઘટનાની સઘન તપાસ કરવામાં આવે તો મામલો વધુ સ્પષ્ટ થઈ શકે છે.
