અમરેલી: અમરેલીમાં એક શખસને શહેરના ‘બાપ’ બનવાના અભરખા ભારે પડી ગયા. પોલીસના હાથમાં આવતા ‘બકરી’ જેવો બની ગયો હતો. એટલું જ નહીં. પોલીસે તેમાં મગજમાં ભરાઈ ગયેલી ડોન બનવાની હવા કાઢવા તેનું બજાર બચ્ચેથી સરઘસ પણ કાઢ્યું હતું. હકીકતમાં, છત્રપાલસિંહ નામના આ શખસે એક પેટ્રોલ પંપના માલિક પાસે ખંડણી માગી હતી અને એટલું જ નહીં, રૂપિયા નહીં આપે તો ભડાકે દેવાની ધમકી પણ આપી હતી. જેની ઓડિયો ક્લિપ સોશિયલ મીડિયામાં વાયરલ થયા બાદ પોલીસે તેને ઝડપી લીધો હતો અને પાઠ ભણાવવા અને લોકોના મનમાંથી તેનો ડર દૂર કરવા તેનું સરઘસ કાઢ્યું હતું.
અમરેલીમાં પેટ્રોલ પમ્પના માલિક હિતેશભાઈને થોડા દિવસ પહેલા ફોન કરી અને 10 લાખ રૂપિયાની ખંડણી માંગવાનો બનાવ સામે આવ્યો હતો. ફોન કરનારી વ્યક્તિએ પોતાની ઓળખ અમરેલીના બાપ છત્રપાલસિંહ તરીકે આપી હતી. ફોન પર ધમકી આપવામાં આવી હતી તેની ઓડિયો ક્લિપ સોશિયલ મીડિયામાં વાયરલ થઈ હતી. ફોનમાં એક શખસ કહી રહ્યો હતો કે, પોતે અમરેલીનો બાપ છે અને પૈસા નહીં આપે તો ફાયરિંગ કરશે. તેણે આવી ધમકી આપી પેટ્રોલ પમ્પ સંચાલક પાસેથી સિક્યુરિટી પેટે રૂપિયા 10 લાખની માંગણી કરી હતી. એટલું જ નહીં, ફોનમાં તેણે એવું પણ કહ્યું હતું કે, એસપી નિર્લિપ્ત રાય આખી જિંદગી અમરેલીમાં નહીં હોય અને તેમના વિશ્વાસે ન રહેવા પણ કહ્યું હતું
અમરેલીના ડીવાયએસપી જગદીશસિંહ ભંડેરીએ જણાવ્યું હતું કે છત્રપાલ અગાઉ 6 ગુનામાં સંડોવાયેલો હતો. હાલમાં તેની સામે ખંડણી, જાનથી મારી નાખવાની કોશિષ સહિતના ગુના નોંધવામાં આવ્યા છે.
.પેટ્રોલ પંપના સંચાલકને ધમકીની ઓડિયો ક્લિપ સોશિયલ મીડિયામાં ફરતી થઈ હતી. આ અંગે કેસ નોંધાયા બાદ અમરેલી એસઓજી અને એલસીબી ધમકી આપનારા શખસનો શોધવામાં લાગી ગઈ હતી. દરમિયાનમાં આ ધમકી આપનારો શખસ છત્રપાલસિંહ ગોંડલના મોવિયા પાસેથી ઝડપી લેવાયો હતો. બાદમાં તેને પેટ્રોલ પંપે લઈ જઈને રેકી કરવાની ઘટનાનું રિકન્સ્ટ્રક્શન કરવામાં આવ્યું હતું. બાદમાં તેનું શહેરમાં સરઘસ કાઢવામાં આવ્યું હતું.
સોશિયલ મીડિયામાં ધમકી આપતી જે ઓડિયો ક્લિપ વાયરલ થઈ હતી, તેમાં છત્રપાલસિંહ એવું કહેતો સંભળાઈ રહ્યો હતો કે, ‘અમરેલીથી છત્રપાલસિંહ વાળા બોલું ઓળખાણ પડી? શાંતિથી પેટ્રોલ પંપ ચલાવવો છે કે, પછી માથાકૂટ કરવી છે? એસ.પી નિર્લિપ્ત સાહેબ આખી જિંદગી અહીં રહેવાના છે ? સિક્યુરિટી જોઇતી હોય તો પૈસા આપવા પડશે, રૂ. 10 લાખ જોઇએ છે મારે. સિક્યુરિટી પોલીસ આપશે? અમરેલીનો બાપ બોલું છું છત્રપાલ, રૂપિયા આપવાના છે? બે દિવસમાં છૂટી જઈશ, મોટુ મર્ડર તો કર્યું નથી, 16 ગુના છે, નિર્લિપ્તભાઈ સામે 17મો ગુનો કરીશ તો ધોકા જ મારશે અને બીજા દિવસે છૂટી જઈશ, છોકરાઓની સિક્યુરિટી જોઈએ છે? હવે પછી પેટ્રોલ પંપેથી નીકળવામાં ધ્યાન રાખજે બાકી ફાયરિંગ કરીશ. તું જો હવે ભડાકા ન કરાવું તો કેજે.’ આ ફોન આવ્યા બાદ પેટ્રોલ પંપના માલિક હિતેશભાઈએ ફરિયાદ નોંધાવી હતી.
અમરેલીના ડીવાયએસપી જગદીશસિંહ ભંડેરીએ જણાવ્યું હતું કે છત્રપાલ અગાઉ 6 ગુનામાં સંડોવાયેલો હતો. હાલમાં તેની સામે ખંડણી, જાનથી મારી નાખવાની કોશિષ સહિતના ગુના નોંધવામાં આવ્યા છે.
