કોંગ્રેસને હરિયાણામાં જોરદાર ઝટકો લાગ્યો છે. તેમના વરિષ્ઠ નેતા અજય માકન રાજ્યસભાની ચૂંટણી હારી ગયા છે. કોંગ્રેસ પાર્ટીએ પહેલા જીતનુ એલાન કરી દીધુ હતુ, પરંતુ મોડી રાત સુધી ચાલેલા હાઈ વોલ્ટેજ ડ્રામાના કારણે સમીકરણ એવા બગડ્યા કે નિર્દળીય કાર્તિકેય શર્મા રાજ્યસભા પહોંચી ગયા.
પૂર્વ કેન્દ્રીય મંત્રી વિનોદ શર્માના પુત્ર અને મીડિયા કારોબારી કાર્તિકેય શર્માને ભાજપ અને જનનાયક જનતા પાર્ટીનુ સમર્થન હતુ. એક મત રદ થતા ગણિત બદલાયુ અને અજય માકનનુ રાજ્યસભા પહોંચવાનુ સપનુ તૂટી ગયુ.
હરિયાણાની રાજ્યસભાની બે બેઠક માટે શુક્રવારે સવારે 9 વાગે મતદાન શરૂ થયુ હતુ. આ બેઠક પર બીજેપીના કૃષ્ણ લાલ પંવારને જીત મળી છે. બીજી બેઠક માટે અજય માકન અને કાર્તિકેય શર્માની વચ્ચે રાજકીય ઘમાસાણ થયુ. મતદાન બાદ શુક્રવારે સાંજે 5 વાગે મતગણતરી શરૂ થવાની હતી પરંતુ જજપાના પોલિંગ એજન્ટથી ચૂંટણી પંચે ફરિયાદ કરી કે કોંગ્રેસના બે ધારાસભ્ય કિરણ ચૌધરી અને બીબી બત્રાએ પોતાનો માર્ક્ડ બેલટ પેપર તેમણે બતાવ્યુ, જે નિયમાનુસાર ખોટુ છે અને તેમના મત રદ કરવા જોઈએ.
નિર્દળીય કાર્તિકેય શર્માના ચૂંટણી એજન્ટે પણ એવો જ આરોપ લગાવતા ચૂંટણી પંચને એફિડેવિટ મોકલ્યુ. ભાજપ, જેજેપી અને નિર્દળીય ઉમેદવાર કાર્તિકેય શર્માએ વોટિંગની જવાબદારી સંભાળી રહેલા રિટર્નિંગ ઓફિસર આર કે નાંદલ પર પણ પક્ષપાતપૂર્ણ રીતે કામ કરવાનો આરોપ લગાવ્યો.
